当前位置:主页 > T诗生活 >

观塘试新 放题火锅店 @Dining娜


2020-08-05


(Presented by Hey囍)

每次约一大班朋友聚会食饭,火锅放题都会係一大首选,贪佢抵食之余,气氛特别好,之前有同事介绍观塘新开Hey囍 放题火锅店 ,话质素相当唔错,趁住有朋友生日,我Dining 娜即刻去踩场试下!

去到舖头门口,见到唔少人等位,都几受欢迎,一入舖就见到地方好宽敞,配料区好似酒店自助餐咁多嘢拣,目测有几十款,蔬菜、丸类、雪糕等等,样样齐,加分!

观塘试新 放题火锅店 @Dining娜
锅物配料有几十款任拣,必定要食嘅超大芝士肠同劲多新鲜蔬菜!

坐低望下餐牌,晚餐90分钟放题任食由$128起,任食美国牛肉、美国黑豚肉,汤底有龙虾汤底、番茄汤底、木鱼汤底、香浓鸡汤,韩国泡菜汤底,同事话最好味係黄金椰子汤底, 加$40仲可以任食椰青汤底黄金鸡,梗係要试吓!

观塘试新 放题火锅店 @Dining娜
鸡锅必备沙漏1个

鸡锅连沙漏一齐上,盖住煲盖等水滚时已经闻到阵阵椰香,原来汤底有椰青水加印度椰子肉,望住漏斗啲沙话咁快就落晒,即刻急不及待打开盖试下,鸡肉入口非常香、滑,问过店长,话佢哋嘅鸡係用椰丝、粟米做饲料,所以特别香,店内特酱汁:新鲜沙姜+小桔仔,係黄金鸡嘅绝配!

观塘试新 放题火锅店 @Dining娜
椰青汤底黄金鸡肉滑带椰香,无得顶!

放题包指定肉类无限添加,如果对牛肉有要求,仲有特级美国牛肉、美国牛小排、澳洲严选和牛,极上特选和牛。如果锺意食海鲜嘅,可以另外柯打每碟$68韩国石蚝,每碟$36海虾,成班朋友话讚,好抵好新鲜!

观塘试新 放题火锅店 @Dining娜
美国牛肉、黑豚肉,脂肪比例好平均,肉质柔嫩味浓。

我哋够人多,所以另外仲试咗个好好玩嘅云上寿喜烧,一放上枱见到个锅中间有一大嚿云,卖相好得意,个个都忍唔住拎部手机出嚟影影影,其实呢大嚿云係棉花糖,等「相机食完」,店员就喺棉花糖上淋上甜酱汤底,望住个棉花糖一路一路咁溶化,朋友忍唔住哗哗声,真係睇住都过瘾!

观塘试新 放题火锅店 @Dining娜
云上寿喜烧好有创意,好玩之余,棉花糖甜味同寿喜烧汤底十分夹。只需係柯打寿喜烧时加$10,就可以多一嚿云(棉花糖),同埋两只蛋送。

食埋寿喜烧已经9成饱,Dining 娜决定要食甜品,係多款中西甜品糕点之中,我决定要自家鲜製软雪糕,又香又滑,为今餐画上完美句号!

观塘试新 放题火锅店 @Dining娜
店内自家製雪糕,自己装饰帮雪糕扮靓,另外仲有乳酪同其他甜品任食。

Dining娜觉得此 放题火锅店好有诚意,最抵讚嘅係椰香汤底,试过知好味,云上寿喜烧就好好玩,其他配料选择多,观塘友有多个聚会好选择。埋单时,店长仲话佢地做紧新开优惠,90分钟放题「椰子鸡‧美国黑豚肉」,原价 $168 ,而家只係 5折 $84,好抵食!另外椰子鸡.美国牛肉.美国黑豚肉.特选牛脷,原价$256,一样有5折优惠价$128,推广优惠至到9月11日咋,有兴趣嘅朋友快手去试吓!

Hey 囍

地址:观塘伟业街223号宏利金融中心1楼13号舖

电话:2827 2688



上一篇:
下一篇: