当前位置:主页 > B恵生活 >

观塘食乜好 食肉兽至爱+家长倾到偈+小朋友放电 要Save


2020-08-05


(Present by魔膳厨房 )

邻近观塘港铁出口嘅「魔膳厨房」,近日因应食客要求将晚市由以往嘅西式套餐转咗做自助餐,结果大受欢迎!而家每逢週末同红日,更加係一枱难求!上星期 Dining娜就趁餐厅啱啱推出全新优惠时,走咗上去睇吓佢哋嘅自助餐到底有咩过人之处!

观塘食乜好  食肉兽至爱+家长倾到偈+小朋友放电 要Save

餐厅位于大厦2楼,空间阔落坐得舒服。

「即日海鲜拼盘」:新优惠人人有份

而家帮衬每枱都会免费送返一个用龙虾汁煮嘅「即日海鲜拼盘」(份量按人数比例而定),每份约有5至6款,种类视乎当日货源而定,所有海鲜会按季节时令喺海外同本地入货,每日仲有专人去鱼档拣料,保证係即日鲜。

观塘食乜好  食肉兽至爱+家长倾到偈+小朋友放电 要Save

当日嘅「龙虾汁海鲜盛宴」(4人份)就有鲍鱼、青口、虾、鱿鱼、蚬、花螺同北寄贝,汁香味鲜!

观塘食乜好  食肉兽至爱+家长倾到偈+小朋友放电 要Save

当日啲海鲜未煮熟前,仲喺水里面不停郁动同喷水,果然好生猛!

「牛魔王盛宴」:食足5大部位

晚市自助餐有两大必食皇牌,包括集齐牛肋骨、牛仔骨、牛柳、牛仔粒同埋牛舌,唔同部位嘅「牛魔王盛宴」,绝对係牛迷至爱!其中牛肋骨係必食推介,选用美国最高级别嘅PRIME安格斯牛,因为本身牛味浓郁、肉质嫩滑,所以只用黒椒、海盐同香草简单腌吓,就可以放入真空袋用45度慢煮3个钟,上碟时肉香与油香四溢,入口更加係细嫩无筋,所以一出好快就俾大家夹走晒!牛仔骨同样选用美国PRIME安格斯牛,只不过切法唔一样,同埋用咗黑椒调味。至于原条牛柳就够晒入味多汁;厚切牛舌饱满细緻;而牛仔粒就係小朋友至爱!

观塘食乜好  食肉兽至爱+家长倾到偈+小朋友放电 要Save

「牛魔王盛宴」一次过可以食匀牛肋骨、牛仔骨、牛柳、牛仔粒同牛舌,5大部位同食法,牛气沖天,係全场最受欢迎嘅美食!

观塘食乜好  食肉兽至爱+家长倾到偈+小朋友放电 要Save

牛肋骨选用美国最高级PRIME安格斯牛,平日单点要$488,每条约1kg重,配合慢煮令肉质变得鲜嫩多汁。

「猪罗纪公园」:肉魅逼人

假如你无猪不欢,一定会为另一道皇牌「猪罗纪公园」着迷!一整盘有齐原只德国猪手、惹味烧猪肋骨、春鸡同德国肠。德国猪手做到皮脆甘香肉质鲜嫩,独有嘅胡椒咸香愈食愈有后劲。而猪肋骨则用传统焗製手法去保持肉质细嫩,即使小朋友同老人家都可以轻鬆食到最嫩滑嘅骨边肉部位。咪住!点解会有慢煮春鸡嘅呢?原来负责人话春鸡係代表翼龙,真係好有童心同创意,可以等小朋友边食边发挥想力创作故仔,好开心! 加埋啖啖肉嘅猪肉肠,真係大满足呀!

观塘食乜好  食肉兽至爱+家长倾到偈+小朋友放电 要Save

「猪罗纪公园」同样係食肉兽至爱招牌菜之一!

观塘食乜好  食肉兽至爱+家长倾到偈+小朋友放电 要Save

德国咸猪手味道正宗,平日单点要$188,而家晚市自助餐任食真係好抵!

观塘食乜好  食肉兽至爱+家长倾到偈+小朋友放电 要Save

为方便大家夹食,猪肋骨焗好后喺上菜前会先被切成条状。

观塘食乜好  食肉兽至爱+家长倾到偈+小朋友放电 要Save

酸菜鱼係今期推介嘅特色中菜,依照广州名厨烹调手法,减辣减酸并加入秘製香料增加风味,好味到连汤都饮埋。

同场仲可以任食多款沙律、热荤、小食同甜品,尤其甜品区可以DIY棉花糖、热辣辣焦糖爆谷,同任沟大热台湾芋圆!小朋友仲有小礼物抽奖㖭!而家帮衬更可享高达6折优惠,加上任食4小时,唔怪得成日都满座啦!

观塘食乜好  食肉兽至爱+家长倾到偈+小朋友放电 要Save

新鲜沙律吧除咗数款特色沙律外,仲有芝士拼盘、意大利火腿、鲜製虾片同蒜蓉饱。

观塘食乜好  食肉兽至爱+家长倾到偈+小朋友放电 要Save

多款热荤美食同样各有风味特色,其中包括庶虾、糯米鸡翼等香口小食嘅「魔膳小食拼盘」,就好受大人同小朋友欢迎啦!

观塘食乜好  食肉兽至爱+家长倾到偈+小朋友放电 要Save

观塘食乜好  食肉兽至爱+家长倾到偈+小朋友放电 要Save

甜品区有10几款精美甜品,又可以DIY棉花糖、热辣辣焦糖爆谷,同大热台湾芋圆,所以成日见到人龙。

观塘食乜好  食肉兽至爱+家长倾到偈+小朋友放电 要Save

餐厅布置非常用心,每个角落都有创作绘画及装饰。

观塘食乜好  食肉兽至爱+家长倾到偈+小朋友放电 要Save

餐厅门口布置成花园一样,颇有魔幻感觉。

魔膳厨房

地址:观塘开源道77号业发大厦一期2楼D室电话:3955 1460/ 3955 1461/ 6319 2511

备注:自助晚餐供应时间:6pm – 10pm

价目:星期一至四,成人$238*,小童(身高91- 130cm) $138*

星期五至日及公众假期及公众假期前夕 成人$268*,小童(身高91- 130cm) $168*

小童(身高90cm 以下) 免费

* 须另加一服务费



上一篇:
下一篇: